ESTAMOS DE ESTREA: XERASÓN Z!

Estamos de estrea: un novo programa nas ondas da Radio emBRIÓN!. Ideado, producido e realizado polo alumnado de Linguaxe e práctica musical de 1º de Bacharelato conta con varias seccións: música urbana, cancións da nosa vida, bandas sonoras, música galega, instrumentos e concurso co profesorado!

Unha vez ao mes poderemos escoitar o que xa está no top dos nosos programas favoritos! Que seccción che gusta máis?: Son de aquí? Cine vinilo? Non vas poder escoller porque todas son boísimas!

A LENDA DA PONTE PÍAS

Tivemos a sorte de recibir unha visita moi especial: Luciano Pena, veciño de Ons e gran coñecedor da historia de Brión. O alumnado que fixo o roteiro na materia de Educación Física foi acompañado por veciños de Ons, entre eles Luciano, que cunha gran sabedoría foilles contando múltiples historias e curiosidades acerca da toponimia e da historia dos lugares máis sinalados na rota. Un dos relatos que encandilou ao alumnado foi este que vos presentamos e que tivo a ben vir contarnos á nosa radio. Unha delicia e un luxo escoitalo, non o perdades!

ENTREVISTA A LUCÍA ALDAO

Tivemos a sorte de ter con nós a Lucía Aldao cun obradoiro do Correlingua: reflexionamos, falamos e propuxemos nunha sesión de traballo con ela e o alumnado de 2ºC. E unha vez rematada a sesión puidemos facerlle esta entrevista na que, ademais de coñecer máis sobre ela, podedes apreciar o xenerosa, boa e lista que é. Moitísimas grazas, Lucía!

Un berro multilingüe contra a violencia de xénero

Dicimos non á violencia de xénero sumando voces en todas as linguas que se utilizan na nosa comunidade educativa: galego, castelán, inglés, francés, latín, polaco, sueco, bable, euskera, catalán, portugués, italiano e alemán. Porque en todas as linguas debemos dicir claramente que non nos dá igual, que non queremos ser valentes, queremos ser libres.

Grazas a Iria, Irene, Lorenzo, Laura, Minia, Yago, Catuxa, Dylan, Irene, Óscar, Esther e Tomás por darlle voz ao noso berro

RELATOS DE SAMAÍN

O alumnado do 4º de ESO, alentados pola súa profesora Paché, escribiu terroríficos relatos de Samaín, algúns dos cales podedes escoitar aquí na voz dxs seus/súas autores/as:

“Últimos segundos de verdade” por Xiana e Minia

“Pantasma” por Nerea, Unai e Álvaro

“Un menor aparece morto en estrañas circunstancias” por Manuel, Claudia e Manuel

“A noiva” por Naiara

MICRORRELATOS DE SAMAÍN

Xa temos os microrrelatos gañadores no concurso de Samaín! As gañadoras pasaron polos nosos estudios e grabaron os seus relatos… a que son arrepiantes??

Microrrelato gañador: “Mellor estar no paro” por Martina Sambade Formoso

Microrrelato finalista: “Aínda tedes tempo” por Ánxela Angueira Carpio

Microrrelato finalista: “Boneca” por Lucía Martínez Caamaño

Alimentación sá, receitas saudables

Neste programa falamos dun tema de actualidade que nos atinxe a todos dende que nacemos: a alimentación saudable. O encontro está moderado por Fernando que nos introduce o problema da obesidade e o sobrepeso que é cada vez máis impactante nos nenos de hoxe en día. Algunha das posibles causas que plantexamos é o sedentarismo causado polas novas tecnoloxias e o seu impacto na nosa sociedade, a chegada dos alimentos procesados… De seguido comentamos a nosa propia a situación na casa en relación a ca alimentación, falando da preocupación dos nosos pais acerca deste tema, como nos manexamos nós na cociña…Por último comentamos as receitas que elaboramos para o libro de receitas do IES de Brión e algunhas dos nosos compañeiros que podedes atopar aquí

Moitas grazas a Fernando por acompañarnos e facer fluir o diálogo entre todas/os, un luxo de compañía!. E non deixedes de escoitar o programa: divertido, entretido e interesante!

Ir a descargar

X=Y

O alumnado de 3º ESO C traballou durante as titorías cuestións relacionadas coa igualdade, centrándose fundamentalmente en feminismo e identidade de xénero. Despois do visionado de documentos audiovisuais, lectura de artigos e sesións de debate, o obxectivo era trasladar o aprendido á radio escolar para a súa difusión. O alumnado tivo así a oportunidade de escoller a temática a tratar, o público ao que se dirixir, e enviar así unha mensaxe de ánimo, apoio ou información.

Facendo un xogo coas letras X e Y e a súa relación cos cromosomas na asignación do sexo, o grupo decidiu que o título da actividade debía ser ¨X=Y“.

Todes temos os mesmos dereitos

Ir a descargar

Que é o feminismo?

Ir a descargar

Feminismo e machismo

Ir a descargar

Definición do feminismo e mitos sobre el

Ir a descargar