O alumnado de 1º de ESO foi de excursión ás médulas e veu á radio a contarnos a experiencia.Participan María Patrón, Lucía Suárez, Alejandro Rey, Antón Pérez,Martín Blanco e Antía Martínez. No control de son estivo Unai Peral ( 1º ESO ) e Pablo Dopazo e Pedro Pardiñas ( 3º ESO ).
Desde o dpto de dinamización lingüística e a radio organizamos este programa co gallo das letras galegas 2019 en homenaxe a Antón Fraguas Fraguas. Participaron as alumnas de 1º de ESO: Rebeca González, Candela Regueiro, Claudia Alonso, Antía Martínez, Alejandra Martínez, Lucía Suárez e María Patrón. Parabéns!
Ana Souto Villanustre foi alumna do IES de Brión entre o 2007 e o 2013, estudou 1º de BACH en EEUU cunha beca da fundación Barrié e logo cursou o grao de Tradución e Interpretación na universidade de Vigo e un Erasmus en París. A día de hoxe traballa como asistente dunha profesora cega de español en París. Participaron na entrevista alumnas de 2º de ESO, Iria Viturro, Noa Vilas e Elena de los Santos e tamén a orientadora Esperanza L. Cordido. No control de son Adan Maroñas e Pablo Dopazo de 3º de ESO. Moi interesante!
Lucía Suárez ( 1º ESO ) e Fabiola Peraza ( 3º ESO ) fálannos da súa viaxe a Hungría en semana santa por mor dun troco cultural do grupo de música galega ao que pertencen, Chorima. Participaron na entrevista alumnado de 1º de ESO, María Patrón, Candela Regueiro e Hugo Rodríguez. No control de son estivo Claudia Alonso ( 1º ESO ) e Adan Maroñas e Pablo Dopazo ( 3º ESO ).
Despois dunha amena conferencia ao alumnado de 3º de ESO sobre o libro ” a caixiña dos rancores ” que leron na materia de Lingua Galega, Héctor pasou pola radio do IES de Brión para falarnos do libro, da súa obra en xeral e moitas cousas máis. Como non podía ser doutra maneira, participaron alumn@s de 3º de ESO, Fabiola Peraza, Rodrigo Carcedo, Simón Rivas e Tomás Stetson. Asemade no control de son estiveron Adan Maroñas, Pablo Dopazo e Pedro Pardiñas, do mesmo curso. Recomendable para os que teñen a inquedanza da escritura.
Ana foi mestra de infantil e primaria durante dezasete anos, sendo nai estudou Pedagoxía e aprobou as oposicións de secundaria pola especialidade de Educación Física. Estivo no IES de Porto do Son e rematou a súa vida laboral de cuarenta anos no noso centro, aínda que segue con nós dous días á semana por mor duns obradoiros de teatro e cine. Algunha das súas alumnas de 2º de ESO participan nesta entrevista, Iria Viturro, Noa Vilas, Yara Rial, Elena de los Santos e Irene Arias. Controlando o son estiveron Pedro Pardiñas e Pablo Dopazo de 3º de ESO. Grazas Ana polo teu compromiso co ensino e a desfrutar da merecida xubilación!
Quen foi presidente da ANPA do IES de Brión ao principio deste curso, Tito Souto, e a tesoureira, Henrike Fesefeldt, pasaron pola radio para explicar os motivos que levaron a pecharse no centro ao comezo deste curso 2018-19. Participaron no programa as alumnas de 1º de BACH que viviron dun xeito moi activo esta situación anómala, Nerea Vilarelle, Sandra Vidal, Antía Cunqueiro e Aroa Carballeira.
No control de son estiveron Pedro Pardiñas e Adan Maroñas de 3º de ESO.
No pasado curso a ANPA do IES de Brión organizou un certame literario co gallo das Letras Galegas 2018, o tema era sobre ” as mulleres da miña vida ” na modalidade de relato curto, poesía e ensaio. Falamos cos gañadores do certame, Roi Penabade, Martina Sambade ( 2º ESO ), Sara Molinos, Daniel Souto e Lorena Diéguez ( 3º ESO ).Colaboraron no control de son Pablo Dopazo e Adan Maroñas ( 3º ESO ). Animamos a todo o alumnado do IES de Brión a participar no certame deste curso 2018-19 que leva por título ” cóntamo outra vez avoa “.Pedimos comprensión porque o son aínda non é o mellor.
Novo programa coa colaboración da orientadora do IES de Brión, Esperanza López Cordido, onde entrevistamos a persoas que nos contarán a súa experiencia nos estudos que fan ou fixeron para axudar ao noso alumnado a escoller o seu futuro académico. Hoxe foi especial, alumnado de 1º de ESO (Alejandra Martínez, Alba Castro, Antía Martínez, Lorena González, Nerea Raña e Mauro Barreiro, tamén Claudia Alonso no control de son ) nos contan como foi o paso de primaria a secundaria e como ven o IES de Brión ).
Volve RADIO emBRIÓN, a radio do IES de Brión cun proxecto selecionado pola Consellería de Educación para o programa ” radio na biblio ” ( trinta en Galicia ) e deseñado pola Escola de Imaxen e Son de A Coruña. Que mellor que co gallo do día de Rosalía, 24 de febreiro. Para celebrar o día tivemos no centro un festival cheo de música e poesía, e como remate leuse un manifesto que recolle moitas das cousas que reivindicou Rosalía nos seus poemas. Aínda que cuns días de retraso viñeron á radio Sandra Vidal e Tania García de 1º de BACH que foron as presentadoras do evento para declamar o manifesto. Parabéns ao alumnado que participou e profesorado que o preparou.
